ಪ್ರಶಸ್ತಿಗಳು:
ಬನ್ನಂಜೆ ಅವರು ಹಲವಾರು ಪ್ರಶಸ್ತಿಗಳನ್ನು ಪಡೆದಿದ್ದರು ಮತ್ತು ಗೌರವಾನ್ವಿತ ಸಂಸ್ಥೆಗಳು ವಿವಿಧ ಬಿರುದುಗಳಿಂದ ಅವರನ್ನು ಗೌರವಿಸಿದ್ದವು. ಇವುಗಳಲ್ಲಿ ಕೆಲವನ್ನು ಹೀಗೆ ಗುರುತಿಸಬಹುದು.
- ಪದ್ಮಶ್ರೀ – ಭಾರತದ ನಾಲ್ಕನೇ ಅತ್ಯುನ್ನತ ನಾಗರಿಕ ಗೌರವ, 2009
- ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ– 2001 ರಲ್ಲಿ ಸಾಹಿತ್ಯ ಅಕಾಡೆಮಿಯ ಅನುವಾದಕ್ಕಾಗಿ ಪ್ರಶಸ್ತಿ
- ಕರ್ನಾಟಕ ಸರ್ಕಾರ ರಾಜ್ಯ ಪ್ರಶಸ್ತಿ – ವೇದ ಸಾಹಿತ್ಯ ಮತ್ತು ತತ್ವಶಾಸ್ತ್ರದ ಕ್ಷೇತ್ರದಲ್ಲಿ ಅವರ ಸೇವೆ ಮತ್ತು ವಿದ್ವತ್ತಿಗೆ ಕರ್ನಾಟಕ ಸರ್ಕಾರವು ರಾಜ್ಯ ಪ್ರಶಸ್ತಿ ಕೊಟ್ಟು ಗೌರವಿಸಿದೆ.
- ಗೌರವ ಡಾಕ್ಟರೇಟ್ – ಮಂಗಳೂರು ವಿಶ್ವವಿದ್ಯಾನಿಲಯವು ನೀಡಿದ ಗೌರವ ಡಾಕ್ಟರೇಟ್.
- ಗೌರವ ಡಾಕ್ಟರೇಟ್ – ಬೆಂಗಳೂರು ಸಂಸ್ಕೃತ ವಿಶ್ವವಿದ್ಯಾಲಯವು ನೀಡಿದ ಗೌರವ ಡಾಕ್ಟರೇಟ್.
- ಪ್ರತಿಭಾಂಬುಧಿ – ಪುತ್ತಿಗೆ ಮಠ ಮತ್ತು ಪಲಿಮಾರು ಮಠದ ಸ್ವಾಮೀಜಿಗಳಿಂದ ಪ್ರದಾನ
- ಶಾಸ್ತ್ರ ಸವ್ಯಸಾಚಿ – ಅಖಿಲ ಭಾರತ ಮಾಧ್ವ ಮಹಾ ಮಂಡಲ, ಬೆಂಗಳೂರು ನೀಡಿದ ಬಿರುದು
- ಶ್ರೀ ಕೃಷ್ಣಾನುಗ್ರಹ ಪ್ರಶಸ್ತಿ – ಪೇಜಾವರ ಮಠದ ಸ್ವಾಮೀಜಿಯವರು ನೀಡಿದ ಪ್ರಶಸ್ತಿ
- ಸಾಹಿತ್ಯ ಸಾರ್ವಭೌಮ – ಸಾರಸ್ವತ ಮಹಾವಿಶ್ವವಿದ್ಯಾಲಯ, ಬೆಂಗಳೂರು
- ಸಂಶೋಧನ ವಿಚಕ್ಷಣ – ಶ್ರೀ ಅದಮಾರು ಮತ್ತು ಶ್ರೀ ಪಲಿಮಾರು ಮಠದಿಂದ ನೀಡಿದ ಬಿರುದು
- ಪಂಡಿತ ಶಿರೋಮಣಿ – ಪ್ರತಿಭಾ ರಂಗ, ಶಿವಮೊಗ್ಗ
- ವೇದ ವ್ಯಾಸ ಸನ್ಮಾನ್ – ಶ್ರೀ ರಾಮಸೇವಾ ಮಂಡಳಿ, ಚಾಮರಾಜಪೇಟೆ, ಬೆಂಗಳೂರು
- ಪಂಡಿತ ರತ್ನ – ಗೋವಾದ ಪರ್ತಗಾಳಿ ಗೋಕರ್ಣ ಮಠದ ದ್ವಾರಕಾನಾಥ್ ಸ್ವಾಮೀಜಿ ನೀಡಿದ ಬಿರುದು
- ವಿದ್ಯಾವಾಚಸ್ಪತಿ – ಉಡುಪಿಯ ಶ್ರೀ ಅದಮಾರು ಮಠದ ಸ್ವಾಮೀಜಿಯವರಿಂದ ಪಡೆದ ಬಿರುದು
- ವಿದ್ಯಾರತ್ನಾಕರ – ಶ್ರೀ ಪಲಿಮಾರು ಮಠದ ಸ್ವಾಮೀಜಿಯವರಿಂದ ಪಡೆದ ಬಿರುದು .
- ಪಂಡಿತ ರತ್ನ – ಶ್ರೀ ಪಲಿಮಾರು ಮಠದ ಸ್ವಾಮೀಜಿಯವರು ನೀಡಿದ ಬಿರುದು.
- ಸಹಭಾಗಿತ್ವ– ಭಾರತೀಯ ಧರ್ಮ ಮತ್ತು ತತ್ವಶಾಸ್ತ್ರ ವಿಶ್ಲೇಷಣೆಯ ಶ್ರೇಷ್ಠ ಸೇವೆಗೆ ಅಕಾಡೆಮಿ ಆಫ್ಜನರಲ್ ಎಜುಕೇಶನ್, ಮಣಿಪಾಲದ ವತಿಯಿಂದ ಸಮ್ಮತಿಯನ್ನು ಪಡೆದಿದ್ದರು
ಸಂಸ್ಕೃತ ಸಾಹಿತ್ಯದ ಅನುವಾದಗಳು
ಸಂಸ್ಕೃತದ ಪ್ರಮುಖ ಸಾಹಿತ್ಯ ಕೃತಿಗಳ ಮೇಲೆ ವಿಮರ್ಶೆ ಟಿಪ್ಪಣಿಗಳೊಂದಿಗೆ ಅನುವಾದದ ಕೆಲಸವನ್ನು ಕೈಗೆತ್ತಿಕೊಂಡು ಈ ಕೆಳಗಿನ ಕೃತಿಗಳನ್ನು ಪ್ರಕಟಿಸಿದ್ದಾರೆ
- ಬಾಣಭಟ್ಟನ ಕಾದಂಬರಿ
- ಕಾಳಿದಾಸನ ಶಾಕುಂತಲಾ
- ಶೂದ್ರಕನ ಮೃಚ್ಛಕಟಿಕ
- ಭವಭೂತಿಯ ಉತ್ತರ ರಾಮಚರಿತೆ
- ಮಹಾಶ್ವೇತೆ – ಕನ್ನಡದಲ್ಲಿ ಸಂಸ್ಕೃತ ಕಥೆಗಳು
- ಹಲವಾರು ಸಂಸ್ಕೃತ ಪದ್ಯಗಳು
ಸಂಸ್ಕೃತದ ಕಿರು ವ್ಯಾಖ್ಯಾನಗಳು
- ಶ್ರೀ ವಾಮನ ಪಂಡಿತರ ಆನಂದಮಾಲಾ
- ಶ್ರೀ ತ್ರಿವಿಕ್ರಮ ಪಂಡಿತರ ವಾಯುಸ್ತುತಿ
- ಶ್ರೀ ತ್ರಿವಿಕ್ರಮ ಪಂಡಿತರ ವಿಷ್ಣುಸ್ತುತಿ
- ಸಂಸ್ಕೃತದ ಚತುರ್ದಶ ಸ್ತೋತ್ರಗಳು
- ರಾಘವೇಂದ್ರ ಸ್ತೋತ್ರ
- ಜಯತೀರ್ಥ ಸ್ತುತಿ
- ಶ್ರೀ ವಿಷ್ಣುದಾಸಾಚಾರ್ಯ (ಸಂಸ್ಕೃತ ಆಡುಭಾಷಾಕಾರರು) ಅವರ ವಾದ ರತ್ನಾವಳಿ
- ಚತ್ವಾರಿ ಸೂಕ್ತಾನಿ
- ಚತುರ್ದಶ ಸೂಕ್ತಾನಿ
- ಪ್ರಾಣಾಗ್ನಿಸೂಕ್ತಭಾಷ್ಯಮ್
ಸವಿಸ್ತಾರವಾದ ಸಂಸ್ಕೃತ ವ್ಯಾಖ್ಯಾನಗಳು
- ಶ್ರೀ ಮಧ್ವಾಚಾರ್ಯರ ಮಹಾಭಾರತದ ತಾತ್ಪರ್ಯದ ವ್ಯಾಖ್ಯಾನ
- ಶ್ರೀ ಮಧ್ವಾಚಾರ್ಯರ ನಿರ್ಣಯ ಮಹಾಭಾರತದ ತಾತ್ಪರ್ಯದ ವ್ಯಾಖ್ಯಾನ
- ಶ್ರೀ ನಾರಾಯಣ ಪಂಡಿತರ ಶ್ರೀ ಮಧ್ವವಿಜಯದ ವ್ಯಾಖ್ಯಾನ
- ಶ್ರೀ ಮಧ್ವಾಚಾರ್ಯರ ಭಾಗವತ ತಾತ್ಪರ್ಯದ ವ್ಯಾಖ್ಯಾನ
- ಶ್ರೀ ವಾಮನ ಪಂಡಿತರ ಆರು ಉಪನಿಷದ್ಗಳ ವ್ಯಾಖ್ಯಾನ
- ಶ್ರೀ ವಿಷ್ಣು ಸಹಸ್ರನಾಮ ಸ್ತೋತ್ರದ ನಾಮ ಚಂದ್ರಿಕೆಯ ವ್ಯಾಖ್ಯಾನ
- ಶ್ರೀ ತ್ರಿವಿಕ್ರಮ ಪಂಡಿತರ ತತ್ವಪ್ರದೀಪದ ವ್ಯಾಖ್ಯಾನ
- ಶತರುದ್ರೀಯ ವ್ಯಾಖ್ಯಾನ
ಸಂಸ್ಕೃತ ಮತ್ತು ಕನ್ನಡ ಚಲನಚಿತ್ರಗಳಿಗೆ ನೀಡಿರುವ ವಿಶೇಷ ಕೊಡುಗೆ
ಬನ್ನಂಜೆ ಗೋವಿಂದಾಚಾರ್ಯರು ಶಂಕರಾಚಾರ್ಯ, ಮಧ್ವಾಚಾರ್ಯ ಮತ್ತು ಭಗವದ್ಗೀತೆ ಎಂಬ ಮೂರು ಸ್ವರ್ಣ ಕಮಲ ವಿಜೇತ ಸಿನೆಮಾಗಳ ಕಥೆ, ಚಿತ್ರಕಥೆ ಮತ್ತು ಸಂಭಾಷಣಾ ವಿಭಾಗದಲ್ಲಿ ತನ್ನ ಕೊಡುಗೆ ನೀಡಿದ್ದಾರೆ. ಆಚಾರ್ಯರು ಬಾಲ್ಯದಲ್ಲಿ ಇದ್ದಾಗ ಸಿನೆಮಾ ತೆಗೆಯುತ್ತೇನೆ ಎಂದು ಕಂಡ ಕನಸು ಭಾರತದ ಅಧ್ಯಾತ್ಮದ ಉನ್ನತ ಶಿಖರದ ವ್ಯಕ್ತಿತ್ವ ಮತ್ತು ತತ್ತ್ವಗಳನ್ನು ಜಗತ್ತಿಗೆ ತೋರಿಸುವ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನನಸಾಯಿತು
ಈ ಮೂರೂ ಚಿತ್ರಗಳ ನಿರ್ದೇಶಕರು ಜಿ ವಿ ಅಯ್ಯರ್.
ಇದು ಅಪ್ಪನಿಗೆ ನಾವು ಸಲ್ಲಿಸಿದ ಪದಪುಷ್ಪ. ಲೈವ್ ಕಾರ್ಯಕ್ರಮದಲ್ಲಿ ತುಂಬ ಅಡೆತಡೆಗಳು ಇದ್ದು ನಮಗೆ ಅಂದು ಇದನ್ನು ನಿಮ್ಮ ಮುಂದೆ ಪ್ರಸ್ತುತ ಪಡಿಸುವುದಾಗಲಿಲ್ಲ
ಹಯಗ್ರೀವ ಜಯಂತಿಯ ಶ್ರಾವಣದ ಹುಣ್ಣಿಮೆಯ ದಿನ ಹುಟ್ಟಿದ ಅಪ್ಪನಿಗೆ ನುಡಿನಮನ