ಹುಟ್ಟಿದ್ದು ಬನ್ನಂಜೆಯಲ್ಲಿ ಬೆಳೆದಿದ್ದು ಉಡುಪಿ. ನೆಲೆ ನಿಂತದ್ದು ಅಂಬಲಪಾಡಿ. ಉಳಿದದ್ದು ಸಕಲರ ಹೃದಯದಲ್ಲಿ

ಮಡಿವಂತ ಪಡುಮುನ್ನೂರು ನಾರಾಯಣ ಆಚಾರ್ಯರ ಕುಟುಂಬದ ಹುಡುಗ ಲಾಂಛನಗಳನ್ನು ಮೀರಿ ಬೆಳೆದರು. ಮೈಯ ಹೊರಗಿನ ಮುದ್ರೆಯಾಚೆಗೆ ಅಂತರಂಗದ ಒಳಗೆ ಭಗವಂತನ ಮುದ್ರೆ ಧರಿಸಿದರು . ನಮ್ಮನ್ನು ಇನ್ನೊಬ್ಬರು ಮುಟ್ಟುವುದರಿಂದ ನಾವು ಮೈಲಿಗೆ ಆಗುವುದಲ್ಲ ಮುಟ್ಟಿದವನು ಮಡಿ ಆಗಬೇಕು ಇಲ್ಲದಿದ್ದರೆ ನಮ್ಮ ಒಳಗೆ ಅಶುಚಿ ಇದೆ ಎಂದು ಅರ್ಥ. ಒಂದು ಸಿದ್ಧಾಂತ ಅರಿವಿನಿಂದ ನಮ್ಮದಾಗ ಬೇಕೇ ಹೊರತು ನಾವು ಅದರಲ್ಲಿ ಹುಟ್ಟಿದ್ದೇವೆ ಎಂದಲ್ಲ.

ಶಾಲೆ ಓದದ ಹುಡುಗ ವಿದ್ವಾಂಸರಿಗೆ ಪಾಠ ಹೇಳಿದರು. ಗುರುವಿಲ್ಲದೇ ಸ್ವಾಧ್ಯಾಯ ಮಾಡಿದವರು ಗುರುವಾದರು. ಬನ್ನಂಜೆ ಎಂದರೆ ನೆನಪನ್ನು ಹೆತ್ತ ತಾಯಿ.

ಹೀಗೆ ಹಲವು ವಿಸ್ಮಯಗಳ ಸಾಕಾರ ರೂಪ ಬನ್ನಂಜೆ ಗೋವಿಂದಾಚಾರ್ಯರು